歐洲 Honeymoon 遊記 - Day 8 - 9 - 紐倫堡

o係紐倫堡玩左2日, 其實都只係o係舊城區裡面遊走, 行左呢度最出名既景點, 漫步古城...

紐倫堡是德國觀光路線"古堡大道Burgenstraße" 之一, 歷史氣息相當濃厚, 舊城區被中世紀的城牆包圍, 城牆共有80座塔樓, 梗有一座o係附近

Königstraße國王街, 係成個舊城區最熱鬧既購物街, 有好多鋪頭賣本地野, 又有好多雪糕店, D雪糕超好食!! 沿住國王街一直走遠遠就會見到好靚既聖羅倫茲大教堂(St. Lorenz)

其實來到呢一度都唔駛點用地圖, 呢度地方唔大, 一路慢慢周圍行都會去得哂所有景點

繼續行會經過佩格尼茨河(Pegnitz), 呢度有一座幾出名既建築物, 曾是有名的聖靈醫院(Heilig-Geist-Spital), 依家係療養院

之後會經過舊城區廣場, 一到假日就會變成多姿多采既市集

如果o係聖誕節o來紐倫堡, 呢個廣場就會係德國最大最有名的紐倫堡聖誕市集!!

下面呢個係聖母教堂(Frauenkirche), 每日中午牆上既鐘樓都會有玩偶表演~

廣場裡面仲有一個景點 - 美泉(Schöner Brunnen)

佢圍欄上面有個金色圓環, 轉佢三個圈就可以許願啦!

再繼續行就會見到聖賽巴爾德大教堂(St. Sebald)

之後就會見到一條好靚好靚既街 - Weißgerbergasse

條街亦都係紐倫堡古蹟之一, 呢度既每一間屋都好有特色

行完呢咁靚既街就上去城堡區啦, 同其他城堡區一樣好靚, 但呢度俾我既感覺係好似一個童話世界咁靚!

城堡區望落舊城區, 同布拉格一樣全部都係紅色屋頂~

最後食左一個地道既德國腸~YUMMY!!

歐洲 Honeymoon 遊記 - Day 7 Part 2 - Wurzburg 烏茲堡

今日節目真係超級豐富, 尋晚先到達Frankfurt, 今朝象徵式地行左一圈, 中午就搭火車去烏茲堡啦!
其實一開始都無諗過去呢度, 諗住一去就去紐倫堡, 但係買火車飛既時候原來會經過呢個浪漫大道既起點, 咁就不如o係呢一個小城市行2,3個鐘睇下啦~

其實去到都無睇地圖, 周圍行下, 買下水果, 食下野, 影下相, 所以大家都係睇相啦

三個鐘後的總結 : 呢一個城市好細, 但係有好多好多人, 如果有時間, 可以o來行一行~

歐洲 Honeymoon 遊記 - Day 7 Part 1 - 法蘭克福

尋晚到達法蘭克福, 今日中午就要走啦
來歐洲之前上網做過功課, 好多人都話法蘭克福好悶, 無野行, 只係一個商業城市, 所以今次只係留左半日就走
但係行下行下, 其實呢個城市都唔係想像中咁悶, 即使留一日都應該不至於會好悶既

去到法蘭克福第一樣去搵既就係大名鼎鼎既紅燈區

法蘭克福有好多商業大廈, 同今次去既其他地方都好唔同

呢一個歐元標誌係地標之一

 

去每一個歐洲城市都要去佢地既廣場睇下, 每一個都有佢地既特色
法蘭克福廣場最吸引我既地方就係佢有3座樓梯形屋頂既建築

咁岩見到有一對COUPLE進行緊傳統結婚儀式, 佢地要o係一幅大布一齊剪一個心心, 然後一齊跨過去

每個廣場附近都一定有教堂

跟住行到有140年歷史既愛塞爾納鐵橋

行完都差唔多夠鐘搭火車去下一個城市 - Wurzburg 啦!

歐洲 Honeymoon 遊記 - Day 6 - 巴黎

最後一日巴黎之旅啦, 之前上網SEARCH 過巴黎有個Bastille Market 好似好靚, 所以今日決定去呢一個MARKET 同埋鎖橋, 之後就要飛啦

Subway Bastille 站一出來, 今日終於有藍天啦!!

一出站對面就係個Market, 我只可以講, 非.常.失.望.!
真係一個露天街市咁, 無乜特別

呢個面包好靚, 但好似好漏

行左一陣就走, 午餐係食我最鍾意既青口

焦糖燉蛋

之後就去鎖橋, 呢度就真係好有特色, 好多遊客, 好多表演樂器既人, 所以我地都o係呢度hea 左好耐先走

唔知D鎖既年份係真定假呢?

塞納河可以遊船河, 每次有船經過, 船上既遊客都會揮手, 好有趣

 

之後就去機場等上機去Frankfurt 啦
總括來講, 巴黎係一個唔錯既旅遊城市, 食物好食, 景點多, 如果唔係陰天同大風既話, 一定會更好玩!!
另外, 好多人話巴黎好汙穢, 地鐵有尿味, 好多垃圾, 但我今次搭過好多次地鐵, 又唔係傳聞咁惡劣喎, 如果你地來, 希望你地都會ENJOY 呢個地方啦

歐洲 Honeymoon 遊記 - Day 5 - 巴黎

巴黎既第二日, 今日Plan 左去凡爾賽宮同羅浮宮...個門口

一朝早緊係食個早餐先啦, 去左唐人街, 呢D 係巴黎既公屋

來巴黎識食一定係食PHO

食完就搭火車去凡爾賽宮

終於到達

真係好難想像當年呢個皇宮係點起, 裡裡外外都超級豪華, 對比起前兩日去過既布拉格皇宮同埋以前去過既溫沙堡, 凡爾賽宮係最靚既一個, 不過其實我對呢D歷史野真係無乜興趣, 入去行下影下相就算啦

聽講成日有人o係凡爾賽宮影到其他野, 好彩今次我D相無, 哈哈



行完入面出返來落大雨, 又凍到癲, 所以無落個公園就走啦, 下一站係羅浮宮...個門口

有塊玻璃可以睇一睇羅浮宮入面係點

之後就去食晚飯啦, 呢一間係我親戚既中國餐館 - 北海酒家
賣個廣告先, 呢一間餐館既野食真係非常好食, 仲連續拎左幾年係米芝蓮推介

http://www.viamichelin.com/web/Restaurant/Paris_13-75013-Mer_de_Chine-261682-41102

食完去左睇夜景

香榭麗舍大道